තනිකම තුරුල් කරන්...

කටාර වූ මහ පොලොවේ
තනිකම තුරුල් කරන්
මම බලන් ඉන්නවා
වඩිනතුරු ඔබ අතින්
බුදු පුදට බැති සිතින්...

ජායාරූපය - සංඛපාල රාජමහා විහාරය

පැමින ඇත සැදෑ හිරුකිරණ ජිවන ගමනට...

ජීවිතේ සැදෑ සමය ගෙවන මේ තාත්තා මගේ කැමරා ඇසට අසුවුනේ අහම්බෙන් ජනේලයක් ලගට ගියාම.තමන්ගෙ පුතාගෙ ගෙදර ඉන්න මේ වයස්ගත පියා තමන්ගෙ වයස් ගතවීම ගැන පසුතැවිලි වෙන්නේ නැහැ.නිතරම වත්තේ වැඩකටයුතු කරමින් කාලේ ගතකරන්නේ සතුටින්.එක අතකට අත පය හතර පන තියන හැබැයි කොන්දක් නැති අද කාලේ සමහර තරුණයෝ එක්ක ගත්තම මේ පියා කොයිතරම්නම් ඉදිරියෙන්ද.

''දිවි ගමනේ සතුට දුක තුරුල්කරන්
මෙතෙක් කල්
නේක දුර ගෙවා දමා
පැමින ඇත සැදෑ හිරුකිරණ ජිවන ගමනට
නමුදු මම අද වුවද
පෙර සේම
දනිමි වියයුතු යුතුකම්
හුස්ම පොද යන තුරුම.......''

එකම රාමුවක...

මේ උඩවලව ජාතික වනෞදානයේ සීමාව අවසානයේ මාර්ගය අයිනටම ඇවිත් ඉන්න සද්දන්තයෙක් ඊට මෙහායින් ඉන්නේ අපිත් එක්ක කතරගම ගමනට සහභාගිවෙච්ච පුංචි මල් කැකුලක්.කෙල්ල එදාමයි මට හමුවුනේ මට එක දවසට හුගක් සමීප වුනා.කෙල්ල හරියට ෆොටෝජෙනික්.මට අහම්බෙන් එකම රාමුවකට ජායාරූප ගතකරගන්න පුලුවන් වුනා

අහිංසකයෙකුට ජීවිතේ ආයෙමත්...

නියගයෙන් ඉරි තැලුනු
වැහි පොදත් තරහා වුනු
වෙනදාට මල් පිපිණු
මින් කැලත් මියැදුනු
මේ විසල් වැව් තෙරේ
අසරණව පණ අදින
අවසාන හුස්ම පොද හෙලන
අහිංසකයෙකුට

ජීවිතේ දුන්නා නුඹ ආයෙමත්...

ජායාරූපය - වෙනදාට උතුරායන අද පතුලටම දිය හිදුනු යෝධ වැව මැද
ජීවිතේ හොයන පුංචි මාලු පැටියෙකුට ජීවය දුන්

මගේ මිත්‍රයෙක් මගේ කැමරා කාචයට හසුවූ මොහොතක්.

ලක් දෙරණ පින් ලබපු දේශයයි...

ලක් දෙරණ පින් ලබපු දේශයයි
නිමල බුදු දහම ලද දීපයයි
අප නමට ජාතියේ උරුමයයි
රැකගනිමු මේ අපේ පින් බිමයි....

ජායාරූපය - කතරගම කිරි වෙහෙර

වියුනු රටා මැද...

වියුනු රටා මැද
ලස්සනට පෙනුනාට
මැද හැංගිලා ඉන්න
මරුවා පොර බදිනවා
බඩ ගින්නත් එක්ක
ඒක ලෝක ස්භාවය

වෙර වීරිය අරන් ඉහලටම...

ආමාරුයි තමයි
නගින්නට ඉහලටම
ජීවිතේත් ඒ වගේමයි
එත්...
කොහොම හරි

වෙර වීරිය අරන්

පලයන් ඉහලටම

එතකොටයි උඹ දිනුම්

ජායාරූපය-සංඛපාල රජ මහා විහාරය

නුඹ එක්ක පියමනින දින...

යනෙන මග දස අතම

අනන්තය සිසාරා

සෙව්වේ මා නුඹේ රුව...
නුඹ සිටියේ මා සිතේ

ඇසිපිය හෙලන

ඇසිල්ලෙන් මතුවි...
මේ මගේ නුඹ එක්ක

පියමනින දින එනතුරුම

මා බලා සිටිමි ආදරෙන්...

ජායාරූපය-සෙල්ල කතරගම මාර්ගය

ජීවිතේට දකින්න නොලැබෙන දර්ශනයක්...

මගේ පුංචිගේ පුන්චි කෙල්ල...

මගේ ලග දැවටෙමින්

බොලද බස් දොඩවමින්

කෙලි කවට සිනා මල්

හදවතට ආදරෙන්

දුන් නුඹට මං

හුගාක් ආදරෙයි....

ජායාරූපය - මගේ පුංචිගේ පුන්චි කෙල්ල